१९ श्रावण २०७८, मंगलवार

नेपालमै पहिलो सफल रकेट प्रक्षेपण

महावीर पुनको फेसबुकबाट

नेपालमा पहिलोपटक रकेट प्रक्षेपण गरिएको छ । यसबारे वैज्ञानिक महावीर पुनको फेसबुक वालमा वहाँले लेख्नुभएको अनुभवलाई जस्ताको तस्तै राखेका छौँ । हार्दिक बधाई नेपाली वैज्ञानिकहरुलाई । अब राज्यबाट नै यस्ता युवाहरुलाई संरक्षण दिनुपर्छ ।
आज मिति चैत्र ७ गतेको मेरो राशिफल निकै राम्रो र दह्रो रहेछ ।😂😂🤣🤣
म जस्तो घुमन्ते, फिरन्ते, बकम्फुसे, एक्सुरे र एउटा झोला बोकेर हिड्ने झोले मान्छेको पनि कहिले काहीं त राम्रै दिन आउने रहेछ । आज नेपालि सेनाका उच्च ओहदाका ब्यक्तिहरु संग आगामी दिनहरुमा कसरी सहकार्य गर्ने भन्ने कुरामा राम्रो संग छलफल पनि भयो ।

१. मैले हाम्रा भाई बहिनीहरुले धनुषा भीमानमा गर्न लागेको रकेट परीक्षण हेर्न जाने कुनै योजन बनाए कै थिएन । तर प्रधान सेनापतिज्युले हिजो राती आफ्नो सहायक मार्फत त्यता जाने निम्ता दिनु भयो। उहाँ संगै आज बिहान १० बजे हेलिकप्टरमा धादिङ्ग जिल्लाको चरौंदीमा भै रहेको COAS International Tri-Adventure Competition हेर्ने मौका मिल्यो। यस्तो खेल मैले जिन्दगीमा नजिक बाट कहिल्यै देखेको थिएन । अनि नेपाली सेनाका जर्नेल साहबहरु संग भेटघाट र कुराकानी गर्ने मौका मिल्यो।
२. धादिङ्ग को कार्यक्रम सकिए पछि प्रधान सेनापति ज्यू र २ जना जर्नेल साहबहरु संग हेलिकप्टरमा २:३० बजे रकेट परीक्षण गर्ने ठाउँ धनुषाको भिमान भन्ने ठाउँमा पुगियो । त्यहाँ भएको रकेट परीक्षण पछि ५:३० बजे बेलुकी काठमाडौँ आई पुगियो । अनि NRNA का पदाधिकारीहरु र सदस्यहरु संग ४ घन्टा लामो छलफल भयो ।
आजको रकेट परीक्षण लाई आंशिक सफल भएको मान्नु पर्छ किन भने सो रकेट अपेक्षा गरिएको उचाइ सम्म नपुगे पनि केहि उचाई सम्म पुगेको थियो। प्रधान सेनापतिज्यू ले पनि भाई बहिनीहरुको हौसाला धेरै नै बढाई दिनु भएको थियो र नेपाली सेनाको लागी चाहिने सस्तो र राम्रो सामानहरु बनाउन सहकार्य गर्न सकिने आश्वासन पनि दिनु भयो । नेपाली सेनाको अनुसन्धान तथा विकास शाखाले पनि त्यस्तो काममा सहयोग गर्ने सक्ने कुरा बताउनु भयो । आज प्रधान सेनापति ज्यू सहित सकल दर्जाका नेपाली सेनाले भाई बहिनीहरुको रकेट उदाउने प्रयासको लागी गरेको सहयोगको लागी धेरै धन्यबाद दिन चाहन्छु।
लौ सुन्नु होस् बिहानीको शुभ समाचार:
सम्मानीय प्रधान मन्त्री ज्यूले प्रधान सेनापति ज्यू मार्फत हिजो धनुषाको भिमानमा बिभिन्न कलेजहरुमा पढ्ने ३० जना बिद्यार्थी भाई बहिनीहरुले बनाएको रकेटको परीक्षण आंशिक रुपमा सफल भएको मा बधाई दिनु भएको छ । यो समाचार प्रधानसेनापति ज्यूका सहायक मार्फत मलाई प्राप्त भयो । अनि सर्बसाधारण को जानकारीको लागी आज भन्दा ठ्याकै ९५ बर्ष पहिला अमेरिकामा गरिएको विश्वको सबै भन्दा पहिलो आधुनिक रकेट परीक्षणको फोटो र हिजो नेपालमा भएको पहिलो रकेट परीक्षणको फोटो पनि यसै साथ संलग्न छ ।🙏🙏🙏
धन्यबादको पात्र सकल दर्जाका नेपाली सेना पनि हुनु हुन्छ । किन भने रकेट जस्तो संबेदनशील प्रविधिको परीक्षणमा उहाँहरुको सहयोग नपाएको भए त्यो रकेटले जमिन छोड्ने थिएन । तर रकेट प्रबिधि बिकास र परीक्षण गर्न बिद्यार्थी भाई बहिनीहरुको प्रयासले मात्र पुग्दैन । उनीहरुलाई नेपालमा नै टिकाएर राख्न र यस्ता प्रविधिको विकास गर्न गराउन सरकारको तरफ बाट बिशेष पहल चाहिन्छ । त्यसो गरिएन भने हिजोका बिद्यार्थी भाईबहिनीहरु कलेजको पढाई सकिएको केहि समय पछि विदेश पलायन हुनेछन । खाँटी कुरा यहि हो । धन्यबाद ।
हेर्नुहोस् वहाँको फेसबुक प्रोफाइल ……….. ।
https://www.facebook.com/mahabir.pun

Show More

Leave a Reply

Your email address will not be published. Required fields are marked *

Back to top button